బాబు ఎవరితోనైనా కలుస్తారు: రఘువీరా

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డిని దించడానికి తెలుగుదేశం అధ్యక్షుడు నారా చంద్రబాబునాయుడు ఎవరితోనైనా కలవడానికి సిద్ధంగా ఉన్నారని రాష్ట్ర వ్యవసాయ శాఖ మంత్రి ఎన్. రఘువీరారెడ్డి వ్యాఖ్యానించారు. పాకిస్తాన్ ఐఎస్ఐ ఏజెంట్లతో కూడా కలవడానికి చంద్రబాబు సిద్ధంగా ఉన్నారని ఆయన మంగళవారం మీడియా ప్రతినిధుల సమావేశంలో అన్నారు.

చంద్రబాబు వావివరుసలు కూడా మర్చిపోయి ఆ విధమైన కలయికకు సిద్ధమవుతున్నారని ఆయన అన్నారు. తాను రాకున్నా ఫరవా లేదు, ఎదుటివారు పోవాలనే తీరులో చంద్రబాబు వ్యవహరిస్తున్నారని ఆయన అన్నారు. చంద్రబాబుపై ఆయన తీవ్రమైన వ్యాఖ్యలు చేశారు.