ఉషా మెహ్రా నివేదికకు చర్యలు: వైయస్

న్యూఢిల్లీ: ఎస్సీ రిజర్వేషన్ల వర్గీకరణపై వేసిన ఉషా మెహ్రా కమిటీ నివేదిక త్వరగా వచ్చేలా చర్యలు తీసుకుంటామని ముఖ్యమంత్రి డాక్టర్ వైయస్ రాజశేఖర రెడ్డి హామీ ఇచ్చారు. మాదిగ రిజర్వేషన్ పోరాట సమితి (ఎమ్మార్పీయస్) ప్రతినిధులతో ఆయన సోమవారం ఢిల్లీలో చర్చలు జరిపారు. ముఖ్యమంత్రి కాటేజ్ వద్ద ఎమ్మార్పీయస్ కార్యకర్తలు ఆందోళనకు దిగారు. ఈ నేపథ్యంలో ఆయన వారితో మాట్లాడారు.

ఉషా మెహ్రా కమిటీకి ప్రభుత్వ పరంగా తాము అన్ని రకాలుగా సహకరించామని, నివేదిక త్వరగా వస్తుందని ఆశిస్తున్నామని, ఇందులో ఆందోళన చెందాల్సిన అవసరం లేదని ఆయన చెప్పారు. తమ దండయాత్ర సభ ముగిసే లోగా ముఖ్యమంత్రి నుంచి స్పష్టమైన హామీ రావాలని, లేకుంటే ఆందోళన ఉధృతం చేస్తామని ఎమ్మార్పీయస్ నేత మందకృష్ణ మాదిగ హైదరాబాదులో అన్నారు.