హీరోయిన్ నయనతారకు వడదెబ్బ

హైదరాబాద్: అందాల నటి నయనతారకు వడదెబ్బ తగిలింది. హైదరాబాదులో షూటింగ్ సందర్భంగా వడదెబ్బ తగిలి ఆమె సెట్స్ లో పడిపోయింది. వెంటనే ఆమెను కామినేని ఆస్పత్రిలో చేర్పించారు. ఆస్పత్రిలో చికిత్స పొందిన ఆమె కోలుకున్నది. కోలుకున్న వెంటనే ఆమె సెట్స్ కు షూటింగులో పాల్గొన్నది.

విశాల్ హీరోగా తమిళం, తెలుగు భాషల్లో నిర్మాణమవుతున్న సెల్యూట్ సినిమా షూటింగ్ హైదరాబాదులో జరుగుతోంది. ఈ షూటింగులో పాల్గొనడానికి ఆమె హైదరాబాద్ వచ్చింది. ఈ సినిమాకు రాజశేఖర్ దర్శకత్వం వహిస్తున్నాడు. గత నాలుగైదు రోజులుగా హైదరాబాదు ఎండలతో మండిపోతోంది.