హామీల్లో బాబు, వైయస్ పోటీ: సిపిఎం

హైదరాబాద్: ప్రజలకు వాగ్దానాలు చేయడంలో తెలుగుదేశం పార్టీ అధ్యక్షుడు నారా చంద్రబాబునాయుడు, ముఖ్యమంత్రి డాక్టర్ వైయస్ రాజశేఖర రెడ్డి పోటీ పడుతున్నారని సిపియం రాష్ట్ర కార్యదర్శి బి.వి. రాఘవులు వ్యాఖ్యానించారు. హామీల విషయంలో చంద్రబాబు రెండడుగులు వేస్తే, రాజశేఖర రెడ్డి మూడడుగులు వేస్తున్నారని ఆయన మంగళవారం మీడియా ప్రతినిధులతో అన్నారు.

ముఖ్యమంత్రి డాక్టర్ వైయస్ రాజశేఖర రెడ్డిని ప్రణాళికా సంఘం ప్రశంసించడం సహజమేనని ఆయన అన్నారు. గతంలో చంద్రబాబును కూడా పొగిడిందని ఆయన అన్నారు. ఉప ఎన్నికల్లో పొత్తులపై సిపిఐ, సిపిఎం కలిసే నిర్ణయం తీసుకుంటాయని ఆయన చెప్పారు. మంగళవారం జరిగే పార్టీ రాష్ట్ర కమిటీ సమావేశంలో ఉప ఎన్నికల్లో పోటీ, పొత్తులపై చర్చిస్తారు. చేర్యాల, ముషీరాబాద్ శాసనసభా నియోజకవర్గాల్లో పోటీ చేయనున్నట్లు సిపిఎం ఇప్పటికే ప్రకటించింది.