ఆనాడు నేను ఏడవలేదు: రోశయ్య

హైదరాబాద్: ప్రణాళికా సంఘానికి తెలుగుదేశం పార్టీ నాయకులు క్షమాపణలు చెప్పాలని రాష్ట్ర ఆర్థిక మంత్రి కె. రోశయ్య డిమాండ్ చేశారు. ముఖ్యమంత్రి డాక్టర్ వైయస్ రాజశేఖర రెడ్డిని ప్రణాళికా సంఘం ప్రశంసించడాన్ని తెలుగుదేశం పార్టీ నాయకులు విమర్శించడం సరి కాదని ఆయన బుధవారం మీడియా ప్రతినిధుల సమావేశంలో అన్నారు. ప్రణాళికా సంఘాన్ని తెలుగుదేశం నాయకులు తప్పు పట్టడం మంచిది కాదని ఆయన అన్నారు.

గతంలో తెలుగుదేశం అధ్యక్షుడు నారా చంద్రబాబునాయుడిని విదేశీ పెద్దలు ప్రశంసిస్తుంటే తెలుగువాడిగా తాను సంతోషించానని, తాను అసూయ పడలేదని, తాను ఏడవలేదని ఆయన అన్నారు. ప్రణాళికా సంఘం ముఖ్యమంత్రిని ప్రశంసిస్తే తెలుగుదేశం నాయకులు అసూయతో విమర్శలు చేస్తున్నారని ఆయన అన్నారు. తెలుగుదేశం నాయకులు నోటికి అదుపు లేకుండా మాట్లాడుతున్నారని ఆయన అన్నారు.