వైయస్ పాలనలో రౌడీయిజం: బాబు

ఆదిలాబాద్: ముఖ్యమంత్రి డాక్టర్ వైయస్ రాజశేఖర రెడ్డి పాలనలో రౌడీయిజం పెరిగిపోతోందని, తెలంగాణ రాష్ట్ర సమితి (తెరాస) కార్యకర్త మొగిలి హత్యే ఇందుకు నిదర్శనమని తెలుగుదేశం పార్టీ అధ్యక్షుడు నారా చంద్రబాబునాయుడు అన్నారు. ఆయన మీ కోసం రథయాత్ర మంగళవారం ఆదిలాబాద్ జిల్లాలో కొనసాగుతోంది. ఉప ఎన్నికల్లో న్యాయం కోసం పోరాడుతామని ఆయన చెప్పారు. ముఖ్యమంత్రి ప్రతి జిల్లాకు ఓ రౌడీమూకను పెంచి పోషిస్తోందని ఆయన విమర్శించారు.

నేరచరిత్ర, అక్రమ సంపాదనతోనే కాంగ్రెస్ ప్రభుత్వానికి సరిపోతోందని ఆయన విమర్శించారు. ఎన్నికల కమీషన్ తప్పు పట్టినా ప్రభుత్వ వైఖరి మారడం లేదని ఆయన అన్నారు. విషజ్వరాల పాపం కాంగ్రెసుదేనని ఆయన అన్నారు. తాము అధికారంలోకి వస్తే గొర్రెల కాపరులకు ఐదేసి ఎకరాలు ఇస్తామని ఆయన హామీ ఇచ్చారు. పులివెందులలో పాతికేళ్లుగా అమలు చేస్తున్న రౌడీయిజాన్ని ఇప్పుడు అన్ని ప్రాంతాల్లో అమలు చేస్తున్నారని ఆయన వ్యాఖ్యానించారు.