అవినీతికి పునరంకితం: బాబు

ఆదిలాబాద్/ నిజామాబాద్: పునరంకిత సభ పేరుతో కాంగ్రెసు ప్రభుత్వం మరోసారి అవినీతి పునరంకితమవుతోందని తెలుగుదేశం పార్టీ అధ్యక్షుడు నారా చంద్రబాబునాయుడు వ్యాఖ్యానించారు. జైపూర్ పేలుళ్లను ఆయన బుధవారం ఆదిలాబాదులో ఖండించారు. శాంతిభద్రతలను పరిరక్షించడంలో కేంద్ర, రాష్ట్ర ప్రభుత్వాలు విఫలమయ్యాయని ఆయన విమర్శించారు. నిత్యావసర సరుకుల ధరలు గణనీయంగా పెరిగాయని ఆయన అన్నారు. కాంగ్రెసు మొద్దు నిద్ర వదలాలని ఆయన అభిప్రాయపడ్డారు.

ఆదిలాబాదు నుంచి చంద్రబాబు మీ కోసం యాత్ర బుధవారంనాడు నిజామాబాదు జిల్లాకు చేరుకుంది. చలి జ్వరంతోనూ చంద్రబాబు నిజామాబాదు జిల్లా ఎల్లారెడ్డిపేటలో ఉప ఎన్నికల ప్రచారం సాగించారు. పేదలను ఆదుకుంటామని ఆయన హామీ ఇచ్చారు. తాము అధికారంలోకి వస్తే ప్రతి పేదవానికి లక్ష రూపాయలతో ఇల్లు నిర్మించి ఇస్తామని ఆయన చెప్పారు. తమ ప్రభుత్వ హయాంలో రైతులకు పగటి పూట 12 గంటల పాటు ఉచిత విద్యుత్ అందిస్తామని ఆయన చెప్పారు.