నిరాడంబరంగా కాంగ్రెస్ పునరంకిత సభ

హైదరాబాద్: కాంగ్రెస్ పార్టీ పునరంకిత సభ బుధవారం ఉదయం హైదరాబాద్ ఎల్ బి స్టేడియంలో నిరాడంబరంగా ప్రారంభమైంది. ఈ సందర్భంగా కాంగ్రెస్ సేవాదళ్ కార్యకర్తలు వందేమాతర గీతాన్ని తప్పుగా ఆలపించడంతో ముఖ్యమంత్రి రాజశేఖరరెడ్డి, పిసిసి అధ్యక్షుడు డి శ్రీనివాస్ తీవ్ర ఆగ్రహం వ్యక్తం చేశారు.

ఆ తర్వాత ప్రారంభోపన్యాసం చేసిన శ్రీనివాస్ రాష్ట్ర ప్రభుత్వ పనితీరును కొనియాడారు. ఆ తర్వాత మాట్లాడీన ఆర్ధిక మంత్రి రోశయ్య, రాజమండ్రి ఎంపీ ఉండవల్లి అరుణ్ కుమార్ ప్రతి పక్షాల ధోరణిని తీవ్రంగా విమర్శించారు. అంతకు ముందు విలేకరులు తెలంగాణపై మాట్లాడుతారా అని డిఎస్ ను ప్రశ్నించగా సాయంత్రం వరకు వేచి చూడమని అన్నారు.