జైపూర్ లో పేలుళ్ళు: 60 మంది మృతి

జైపూర్: రాజస్ధాన్ రాజధాని జైపూర్ నగరం మంగళవారం రాత్రి 7.35 నిముషాలకు వరుస బాంబు పేలుళ్ళతో దద్దరిల్లిపోయింది. 12 నిముషాల వ్యవధిలో ఏడు వేర్వేరు ప్రాంతాల్లో సంభవించిన బాంబు పేలుళ్ళలో 60 మంది చనిపోగా, 15 మందికి పైగా గాయపడ్డారు.

గాయపడిన వారిలో చాలా మంది పరిస్ధితి ప్రమాదకరంగా ఉండడంతో మృతుల సంఖ్య ఇంకా పెరిగే అవకాశముంది. ఇది ముస్లిం తీవ్రవాద సంస్ధలైన హుజి, జైషేల పనేనని అనుమానాలు వ్యక్తమవుతున్నాయి. హైదరాబాద్ లో జరిగిన పేలుళ్ళకు, జైపూర్ విస్ఫోటనాలకు మధ్య కొన్ని పోలికలు కనిపిస్తున్నాయి. ఈ సంఘటనతో కేంద్ర ప్రభుత్వం దేశవ్యాప్తంగా రెడ్ అలెర్ట్ ప్రకటించింది. జనం ఎక్కువగా ఉండే ప్రాంతాల్లో భద్రతపై అప్రమత్తంగా ఉండాల్సిందిగా ఆదేశించింది.