జాతీయ గీతాలాపనలో అపశృతులు

హైదరాబాద్: కాంగ్రెసు పునరంకిత సభలో జాతీయ గీతాన్ని తప్పుగా ఆలపించిన సేవాదళ్ కార్యకర్తలపై ముఖ్యమంత్రి డాక్టర్ వైయస్ రాజశేఖరరెడ్డి, ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ మండిపడ్డారు. కాంగ్రెసు ప్రభుత్వం నాలుగేళ్లు పూర్తి చేసుకున్న సందర్భంగా పిసిసి బుధవారంనాడు హైదరాబాదులోని లాల్ బహదూర్ స్టేడియంలో పునరంకిత సభ ఏర్పాటైంది. తెలుగుదేశం, కాంగ్రెస్ పార్టీలపై కాంగ్రెస్ నేతలు ఈ సభలో తీవ్రంగా ధ్వజమెత్తారు. ముఖ్యమంత్రి డాక్టర్ వైయస్ రాజశేఖర రెడ్డిని ప్రశంసలతో ముంచెత్తారు.

తెలంగాణ తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు సొంత జాగీర్ కాదని విద్యుచ్ఛక్తి మంత్రి షబ్బీర్ అలీ అన్నారు. ఉప ఎన్నికల్లో కెసిఆర్ కు ప్రజలు తగిన గుణపాఠం చెబుతారని ఆయన అన్నారు. తెలంగాణ సాధన తెరాసతో సాధ్యం కాదని, కాంగ్రెస్ ద్వారానే సాధ్యమవుతుందని ఆయన అన్నారు. తెలుగుదేశం పార్టీని 20 ఏళ్ల పాటు ప్రతిపక్షంలో ఉంచడానికి ప్రజలను నిర్ణయించుకున్నారని కాంగ్రెస్ నాయకుడు పి. సుధాకర్ రెడ్డి అన్నారు. ఈ పునరంకిత సభకు కాంగ్రెస్ సీనియర్లు జి. వెంకటస్వామి, ఉప్పునూతల పురుషోత్తమరెడ్డి, ఎం, సత్యనారాయణరావు, వి. హనుమంతరావు హాజరు కాలేదు. ఉప ఎన్నికల ప్రచారం వల్లనే తాను పునరంకిత సభకు హాజరు కాలేదని సత్యనారాయణ రావు కరీంనగర్ లో చెప్పారు.