కడప బడే దర్గాలో అమీర్ ఖాన్

కడప: దేశ వ్యాప్తంగా ప్రసిద్ది గాంచిన కడప బడే దర్గాలో జరుగుతున్న ఉర్సు వార్షికోత్సవాలకు బాలీవుడ్ నటుడు అమీర్‌ఖాన్ వచ్చారు. బుధవారం రాత్రి ఇక్కడ జరిగిన కవి సమ్మేళనంలో ఆయన సంగీత దర్శకుడు ఏఆర్ రెహ్మాన్‌తో కలసి పాల్గొన్నారు. అమీర్ ఖాన్ కు దర్గా పీఠాధిపతి ఘనస్వాగతం పలికారు. తర్వాత ప్రత్యేక పూజలు నిర్వహించారు. ఇక్కడ అడుగు పెట్టడం తన అదృష్టంగా భావిస్తున్నట్లుగా అమీర్‌ఖాన్ చెప్పారు. రెహ్మాన్ ఈ బడే దర్గాను తరుచూ సందర్శిస్తుంటారు.

గతంలో అమితాబ్ కుటుంబ సభ్యులు కూడా ఈ బడే దర్గాను సందర్శించుకున్నారు. బాలీవుడ్ నటులు అభిషేక్ బచ్చన్, ఐశ్వర్యా రాయ్ దంపతులు ఈ దర్గాలో ప్రత్యేక పూజలు నిర్వహించారు. రెహ్మాన్ సూచన మేరకే ఈ దర్గాను సందర్శించినట్లు వారు ఈ సందర్భంగా చెప్పారు.