జానా, పొన్నాలకు ఇసి నోటీసులు

హైదరాబాద్: మంత్రులు కె. జానారెడ్డి, పొన్నాల లక్ష్మయ్యలకు ఎన్నికల కమీషన్ నోటీసులు జారీ చేసింది. అనుమతి లేకుండా సభ నిర్వహించినందుకు కమీషన్ ఈ నోటీసులు జారీ చేసింది. హన్మకొండలోని ఓ పాఠశాల ఆవరణలో అనుమతి లేకుండా మంత్రులు సభ నిర్వహించారు. తమ నోటీసుపై ఈ నెల 24వ తేదీలోగా వివరణ ఇవ్వాలని కమీషన్ మంత్రులను ఆదేశించింది.

ఎన్నికల ప్రవర్తనా నియమావళిని ఉల్లంఘించినందుకు ఎందుకు చర్య తీసుకోకూడదో చెప్పాలని ఎన్నికల కమీషన్ ఆదేశించింది. ఎన్నికల ప్రవర్తనా నియమావళిని ఉల్లంఘించినందుకు ప్రభుత్వ ప్రధాన కార్యదర్శి రమాకాంత్ రెడ్డి ఎన్నికల కమీషన్ కు క్షమాపణలు చెప్పారు. ఎన్నికల నియమావళి ఉల్లంఘించినందుకు మంత్రులు చిన్నారెడ్డి, రఘువీరా రెడ్డిలకు కూడా ఇంతకు ముందుకు కమీషన్ నోటీసులు జారీ చేసింది. ఇసి నోటీసు అందిన తర్వాత వివరణ ఇస్తానని జానారెడ్డి చెప్పారు.