కెసిఆర్ ఓడితేనే తెలంగాణ: నరేంద్ర

కరీంనగర్: ఉప ఎన్నికల్లో తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు ఓడిపోతేనే తెలంగాణ రాష్ట్రు వస్తుందని తెలంగాణ రాష్ట్ర సమితి (ఎన్) అధ్యక్షుడు ఎ. నరేంద్ర అన్నారు. కెసిఆర్ బ్లాక్ మెయిల్ రాజకీయాల వల్లనే కాంగ్రెస్ తెలంగాణ ఇవ్వలేదని ఆయన గురువారం మీడియా ప్రతినిధుల సమావేశంలో అన్నారు. ముఖ్యమంత్రి డాక్టర్ వైయస్ రాజశేఖర రెడ్డిపై కూడా ఆయన తీవ్ర వ్యాఖ్యలు చేశారు.

ముఖ్యమంత్రి డాక్టర్ వైయస్ రాజశేఖర రెడ్డి ప్రజలను మభ్య పెడుతున్నారని ఆయన విమర్శించారు. తెలంగాణ ఉద్యమం బతికే ఉంటుందని, ప్రజా సమస్యలు తీరడం లేదని ఆయన అన్నారు. ముఖ్యమంత్రి జూటా మాటలు చెబుతూ కోట్లాది రూపాయలు కొల్లగొడుతున్నారని ఆయన వ్యాఖ్యానించారు. రాజశేఖర రెడ్డి కుబేరుడవుతున్నారని ఆయన అన్నారు. ప్రజలకు మాత్రం ముఖ్యమంత్రి మొండిచేయే చూపిస్తున్నారని ఆయన అన్నారు.