కూర రాజన్నతో డిఎస్ భేటీ

హైదరాబాద్: నక్సలైట్ నాయకుడు కూర రాజన్నను ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ బుధవారంనాడు కేర్ ఆస్పత్రిలో కలిశారు. సిపిఐ (ఎంఎల్) జనశక్తి కేంద్ర కమిటీ కార్యదర్శి కూర రాజన్న ప్రస్తుతం కేర్ ఆస్పత్రిలో చికిత్స పొందుతున్నారు. కూర రాజన్నతో భేటీలో రాజకీయాలు ఏమీ లేవని శ్రీనివాస్ మీడియా ప్రతినిధులతో చెప్పారు.

దాదాపు 35 ఏళ్ల క్రితం తాము ఉస్మానియా విశ్వవిద్యాలయంలో కలిసి చదువుకున్నామని, అప్పటి పరిచయంతో రాజన్నను పలకరించడానికి వచ్చానని ఆయన చెప్పారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు ఇప్పటికే రెండు సార్లు కూర రాజన్నను కలిశారు.