సెట్స్ పడిపోయిన ప్రియాంక చోప్రా

ముంబయి: షూటింగ్ సందర్భంగా సెట్స్ బాలీవుడ్ నటి ప్రియాంక చోప్రా కుప్పకూలి పోయారు. దోస్తానా సినిమా షూటింగ్ సమయంలో ఆమె కింద పడిపోయారు. కరణ్ జోహర్స్ దోస్తానా షూటింగులో పాల్గొంటూ ఆమె తన బాయ్ ఫ్రెండ్ హర్మాన్ బవేజా నటించిన లవ్ స్టోరీ 2050 సినిమా ప్రమోషన్ కార్యక్రమంలో పాల్గొంటున్నారు. దీంతో ఆమె తీవ్ర ఒత్తిడికి గురై శారీరకంగా బలహీనపడినట్లు భావిస్తున్నారు. దీని వల్లనే ఆమె షూటింగు సమయంలో పడిపోయినట్లు చెబుతున్నారు.

అభిషేక్ బచ్చన్, జాన్ అబ్రహం, బోమన్ ఇరానీ, కిరణ్ ఖేర్ లతో కలిసి షూటింగ్ లో ప్రియాంక చోప్రా పడిపోయింది. ఈ విషయం తెలిసిన వెంటనే హర్మాన్ ఆఘమేఘాల మీద డాక్టర్ తో అక్కడికి చేరుకున్నాడు. చికిత్స చేసిన వెంటనే ఆమె తిరిగి షూటింగులో పాల్గొంది. గతంలో కరీనా కపూర్ కూడా ఇలాగే సెట్స్ లో పడిపోయింది. అయితే లావు తగ్గేందుకు అనుసరించిన పద్ధతుల వల్ల ఆమె బలహీనపడి పడిపోయింది.