కోరితే సిఐడి దర్యాప్తు: జానారెడ్డి

హైదరాబాద్: జర్నలిస్టులు కోరితే ఆంధ్రజ్యోతి సంపాదకుడు కె. శ్రీనివాస్, ఇద్దరు విలేకరుల అరెస్టుపై సిబిసిఐడి దర్యాప్తు చేయిస్తామని హోంమంత్రి కె. జానారెడ్డి చెప్పారు. ఈ అరెస్టులపై వివరణ ఇచ్చేందుకు జానారెడ్డి, సమాచార పౌర సంబంధాల మంత్రి ఆనం నారాయణరెడ్డి, నగర పోలీసు కమీషనర్ మీడియా ప్రతినిధుల సమావేశం ఏర్పాటు చేశారు. అయితే జానారెడ్డి వివరించేందుకు ప్రయత్నిస్తుండగానే జర్నలిస్టులు తీవ్ర నిరసన వ్యక్తం చేశారు. నిలబడే తమ నిరనస వ్యక్తం చేశారు.

న్యాయనిపుణుల సలహా తీసుకున్న తర్వాతనే అరెస్టు చేశామని జానారెడ్డి చెప్పారు. దర్యాప్తు అధికారుల లోపాలుంటే చర్యలు తీసుకుంటామని ఆయన చెప్పారు. ఆంధ్రజ్యోతి కార్యాలయంపై దాడి చేసిన కేసులో 15 మందిని అరెస్టు చేశామని ఆయన చెప్పారు. జానారెడ్డి వివరణకు అవకాశం ఇవ్వకుండా జర్నలిస్టులు మీడియా సమావేశాన్ని బహిష్కరించారు. అనంతరం సచివాలయం లోపల ధర్నాకు దిగారు.