610 జీవోపై వైయస్ సమీక్ష

హైదరాబాద్: తెలంగాణ స్థానికేతరులకు ఉద్యోగాల్లో జరిగిన అన్యాయాన్ని సరిదిద్దడానికి జారీ అయిత 610 జీవో అమలుపై ముఖ్యమంత్రి డాక్టర్ వైయస్ రాజశేఖర రెడ్డి బుధవారం ఉన్నత స్థాయి సమావేశంలో సమీక్షించారు. ఇప్పటి వరకు 7,640 మంది స్థానికేతరులను గుర్తించామని సమావేశానంతరం పంచాయతీరాజ్ శాఖా మంత్రి జె.సి. దివాకర్ రెడ్డి మీడియా ప్రతినిధులతో చెప్పారు.

ఇప్పటి వరకు 8 వేల మంది స్థానికేతరులను స్వస్థలాలకు పంపించామని, త్వరలో మరో 4 మందిని వెనక్కి పంపుతామని ఆయన చెప్పారు. కోర్టు కేసుల వల్ల స్థానికేతరులను వెనక్కి పంపడంలో జాప్యం జరుగుతోందని ఆయన చెప్పారు. విశ్వవిద్యాలయాల్లో, ఆర్టీసిల్లో 610 జీవో అమలుకు తగిన చర్యలు తీసుకుంటామని ఆయన చెప్పారు.