సేవలో మహేష్ బాబు ఫ్యాన్స్

హైదరాబాద్: ప్రముఖ హీరో మహేష్ బాబు అభిమానులు సేవారంగంలోకి అడుగు పెట్టనున్నారు. హైదరాబాదులోని బషీర్ బాగ్ ప్రెస్ క్లబ్బులో సమావేశమైన కృష్ణ, మహేష్ బాబు అభిమానులు ఆదివారం ఆ మేరకు నిర్ణయం తీసుకున్నారు. మహేష్ బాబు జన్మదినం సందర్భంగా సేవా కార్యక్రమాలు చేపట్టాలని వారు నిర్ణయించారు. మహేష్ బాబు జన్మదినం ఆగస్టు 9వ తేదీ.

మహేష్ బాబు జన్మదినం సందర్భంగా ఆగస్టు 2 నుంచి 9వ తేదీ వరకు వారం రోజుల పాటు సేవా కార్యక్రమాలు నిర్వహిస్తారు. రక్తదాన శిబిరాలు, మొక్కలు నాటే కార్యక్రమం, నేత్రదానం, పుస్తకాల పంపిణీ వంటి కార్యక్రమాలు నిర్వహిస్తారు. మహేష్ బాబు నటించిన సినిమాలను వారం రోజుల పాటు ప్రదర్శిస్తారు.