బలపరీక్షలో నెగ్గుతాం: మొయిలీ

హైదరాబాద్: ఈ నెల 22వ తేదీన జరిగే బలపరీక్షలో తమ ప్రభుత్వం నెగ్గుతుందని కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ అన్నారు. ప్రభుత్వాన్ని పడగొట్టే సంఖ్యాబలం బిజెపికి లేదని ఆయన అన్నారు. రాష్ట్ర కాంగ్రెస్ పార్టీ కార్యాలయం గాంధీ భవన్ లో ఆయన సోమవారంనాడు పార్టీ సభ్యత్వ నమోదు కార్యక్రమాన్ని ప్రారంభించారు. సభ్యత్వ నమోదు కార్యక్రమం నిరంతర ప్రక్రియ అని ఆయన అన్నారు.

సభ్యత్వ నమోదు కార్యక్రమంలో పార్టీ నాయకులు చురుగ్గా పాల్గొనాలని ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ అన్నారు. పార్టీని బలోపేతం చేయడానికి ఇది ఎంతో ఉపయోగపడుతుందని ఆయన అన్నారు. సభ్యత్వ నమోదు కార్యక్రమంలో నాయకులు నిబద్ధతతో పాల్గొనాలని ముఖ్యమంత్రి డాక్టర్ వైయస్ రాజశేఖర రెడ్డి సూచించారు.