స్థైర్యాన్ని దెబ్బ తీయలేరు: వైయస్

హైదరాబాద్: దాడుల ద్వారా మావోయస్టులు పోలీసుల నైతిక స్థయిర్యాన్ని దెబ్బ తీయలేరని ముఖ్యమంత్రి డాక్టర్ వైయస్ రాజశేఖర రెడ్డి అన్నారు. పోలీసు శిక్షణా అకాడమీ అప్పాలో జరిగిన ఒక కార్యక్రమంలో ఆయన సోమవారంనాడు పాల్గొన్నారు. అప్పాకు విశ్వవిద్యాలయం హోదా కల్పిస్తామని, దీని వల్ల సంస్థ గుర్తింపు పెరుగుతుందని ఆయన అన్నారు. పోలీసులు బరువు పెరగకుండా చూసుకోవాలని ఆయన సూచించారు.

ఉనికి కోసమే మావోయిస్టులు దాడులకు దిగుతున్నారని హోంమంత్రి కె. జానారెడ్డి విమర్శించారు. సీలేరు సంఘటనను ప్రస్తావిస్తూ ఆయన ఈ మాటలన్నారు. విధుల నిర్వహణలో ప్రాణాలు కోల్పోయిన పోలీసు అమర వీరులకు శ్రద్ధాంజలి ఘటిస్తున్నట్లు ఆయన తెలిపారు. రాష్ట్ర పోలీసు డైరెక్టర్ జనరల్ (డిజిపి) యాదవ్ కూడా ఈ కార్యక్రమంలో పాల్గొన్నారు.