అణు ఒప్పందంపై రాహుల్ పాఠాలు

న్యూఢిల్లీ: కాంగ్రెస్ యువనేత, ఎఐసిసి ప్రధాన కార్యదర్శి రాహుల్ గాంధీ కాంగ్రెస్ అధికార ప్రతినిధులకు అణు ఒప్పందంపై పాఠాలు చెప్పనున్నారు. ఈ ఏడాది చివరలో వరుసగా ఎన్నికలు జరుగనున్న నేపథ్యంలో అణు ఒప్పందంపై కాంగ్రెస్ తన వైఖరిని సమర్థించుకుంటూ ప్రజలకు దాని అవసరాన్ని తెలియజెప్పాల్సిన అవసరం ఏర్పడింది. వామపక్షాలు, ఇతర పార్టీలు అణు ఒప్పందంపైనే ఎన్నికల ప్రచారంలో కాంగ్రెసును ఎదుర్కోవడానికి దృష్టి కేంద్రీకరించునున్న నేపథ్యంలో రాహుల్ గాంధీ ఈ కొత్త విధానానికి శ్రీకారం చుట్టారు.

ఈ నెల 6వ తేదీన పార్టీ అధికార ప్రతినిధుల సమావేశం జరుగుతుంది. ఈ సమావేశంలో రాహుల్ గాందీ కూడా ఒక ప్రధాన వక్త. దేశంలో వరుసగా ఇటువంటి సమావేశాలను నిర్వహించాలని కాంగ్రెస్ పార్టీ నిర్ణయించుకుంది. ఇందులో భాగంగా మొదటి సమావేశం ఈ నెల 6వ తేదీన ఢిల్లీలో జరుగుతుంది. 123 ఒప్పందంపై అధికార ప్రతినిధులకు ఈ సమావేశాల్లో స్పష్టంగా వివరిస్తారు.