జయసుధకు కాంగ్రెస్ తీర్ధం?

హైదరాబాద్: ప్రముఖ నటి జయసుధ కాంగ్రెస్ పార్టీలో చేరనున్నారు. ఆమెకు ముఖ్యమంత్రి రాజశేఖరరెడ్డి కుటుంబంతో చాలా కాలంగా సన్నిహిత సంబంధాలు ఉన్నాయి. ఇటీవల ఆమె మూడు సార్లు రాజశేఖరరెడ్డిని కలిసి కాంగ్రెస్ పార్టీలో చేరాలన్న ఆకాంక్షను వ్యక్తం చేసినట్టు తెలుస్తోంది. జయసుధకు మహిళా కాంగ్రెస్ అధ్యక్ష పదవి దక్కే అవకాశాలు ఉన్నాయి.

ఇటీవల జరిగిన సికింద్రాబాద్ అసెంబ్లీ ఉప ఎన్నికలో కాంగ్రెస్ అభ్యర్ధిగా జయసుధను నిలబెట్టాలని రాష్ట్ర కాంగ్రెస్ అగ్ర నాయకులు భావించారు. సికింద్రాబాద్ లో క్రిస్టియన్లు పెద్ద సంఖ్యలో ఉన్నారు. జయసుధ క్రిస్టియన్ మతం పుచ్చుకున్న సంగతి చాలా మందికి తెలిసిందే. అప్పట్లో జయసుధ తనకు రాజకీయాల మీద ఆసక్తి లేదని చెప్పారు.