చిరంజీవి రంజాన్ జ్ఞాపకాలు

హైదరాబాద్: ప్రజారాజ్యం వ్యవస్థాపక నేత చిరంజీవి తన చిన్ననాటి రంజాన్ పండుగ జ్ఞాపకాలను నెమరేసుకున్నారు. కడప జిల్లా తెలుగుదేశం మాజీ శాసనసభ్యుడు ఖలీల్ బాషాతో పాటు పలువురు మైనారిటీ నేతలు మంగళవారం చిరంజీవి సమక్షంలో ప్రజారాజ్యంలో చేరారు. ఈ సందర్భంగా ఆయన తనకూ రంజాన్ పండుగకు గల అనుబంధాన్ని గుర్తు చేసుకున్నారు. పొన్నూరులో తమ ఇల్లు మసీదు పక్కనే ఉండేదని, ముస్లింలతో తాము కలిసిమెలసి జీవించేవాళ్లమని ఆయన చెప్పారు.

రంజాన్ పండుగ పవిత్ర మాసంలో కొన్నిసార్లు తానూ తన సోదరుడు నాగబాబు ఉపవాసాలు ఉండేవాళ్లమని ఆయన చెప్పారు. మసీదులోని ప్రార్థనలు వినేవాళ్లమని ఆయన చెప్పారు. రంజాన్ తనకెంతో కలిసి వచ్చిందని ఆయన చెప్పారు. తమ పార్టీ ముస్లింల మేలు కోసం పని చేస్తుందని ఆయన చెప్పారు. రంజాన్ పవిత్ర మాసం ప్రారంభమైన సందర్భంగా ఆయన ముస్లింలకు శుభాకాంక్షలు తెలియజేశారు.