రిజర్వ్ బ్యాంక్ గవర్నర్ గా తెలుగువాడు

న్యూఢిల్లీ: రిజర్వ్ బ్యాంక్ గవర్నర్ గా ఆంధ్రప్రదేశ్ కు చెందిన ఆర్థిక శాఖ కార్యదర్శి దువ్వూరి సుబ్బారావు నియమితులయ్యారు. ఆర్ బిఐకి రెండోసారి వరుసగా ఆంధ్రప్రదేశ్ కు చెందిన అధికారి నియమితులయ్యారు. యాగా వేణుగోపాల్ రెడ్డి (వైవి రెడ్డి) స్థానంలో ఆయన నియమితులయ్యారు. వైవి రెడ్డి పదవీ కాలం ఈ నెల 5వ తేదీతో ముగుస్తోంది. అదే రోజు దువ్వూరి సుబ్బారావు పదవీ బాధ్యతలు స్వీకరిస్తారు. దువ్వూరి సుబ్బారావు నియామకాన్ని కేంద్ర ఆర్థిక మంత్రి పి. చిదంబరం సోమవారం ప్రకటించారు. సుబ్బారావు ఆంధ్రప్రదేశ్ కేడర్ కు చెందిన 1972 బ్యాచ్ ఐఎఎస్ అధికారి.

సుబ్బారావు ఆర్థిక కార్యదర్శిగా 2009 సెప్టెంబర్ లో పదవీ విరమణ చేయనున్నారు. ఆర్బీఐ గవర్నరుగా ఆయన ఐదేళ్ల పాటు కొనసాగుతారు. సుబ్బారావు పశ్చిమ గోదావరి జిల్లా ఏలూరుకు చెందినవారు. ఐఐటి కాన్పూర్ లో ఆయన భౌతిర శాస్త్రంలో స్నాతకోత్తర పట్టా పుచ్చుకున్నారు. ఆ తర్వా సివిల్ సర్వీసులో చేరారు. రాష్ట్రంలో ఖమ్మం, ప్రకాశం, విశాఖపట్నం జిల్లాల కలెక్టర్ గా పనిచేశారు. 1988 నుంచి కేంద్ర ఆర్థిక శాఖలో వివిధ విభాగాల్లో పనిచేస్తూ వస్తున్నారు.