సంతోషంగా ఉంది: దువ్వూరి సుబ్బారావు

న్యూఢిల్లీ: తనను రిజర్వ్ బ్యాంక్ గవర్నరుగా నియమించడం సంతోషంగా ఉందని ఆంధ్రప్రదేశ్ కు చెందిన ఐఎఎస్ అధికారి దువ్వూరి సుబ్బారావు అన్నారు. తనపై నమ్మకంతో కేంద్ర ప్రభుత్వం తనను రిజర్వ్ బ్యాంక్ గవర్నర్ గా నియమించడం ఆనందంగా ఉందని ఆయన మీడియా ప్రతినిధులతో అన్నారు. ప్రతిస్పందన కోసం తెలుగు మీడియా ప్రతినిధులు ఆయనను చుట్టుముట్టారు.

తాను బాధ్యతలు స్వీకరించిన తర్వాత మాట్లాడుతానని ఆయన చెబుతున్నా వినకుండా మీయా వెంట పడింది. తాను తర్వాత మాట్లాడుతానని అంటూ మీడియా ప్రతినిధులను తప్పించుకుని వెళ్లిపోయారు. రిజర్వ్ బ్యాంక్ గవర్నర్ గా వరుసగా రెండో సారి ఆంధ్ర అధికారి నియమితులు కావడం హర్షదాయకమని ఆంధ్రప్రదేశ్ కు చెందిన అధికారులు అంటున్నారు. సుబ్బారావు తెలుగులో మాట్లాడడం విశేషం.