ప్రియాంక ప్రేమలో షాహిద్

ముంబయి: బాలీవుడ్ నటుడు షాహిద్ కపూర్ తాజాగా ప్రియాంక చోప్రా ప్రేమలో పడినట్లు పుకార్లు షికార్లు చేస్తున్నాయి. కరీనా కపూర్ తో ఏడాది క్రితం విడిపోయినప్పటి నుంచి షాహిద్ తగిన ప్రేమికురాలిని వెతుక్కోవడంలో తంటాలు పడుతున్నాడు. తొలిసారి షాహిద్, ప్రియాంక విశాల్ భరద్వాజ తీస్తున్న కమినయ్ చిత్రంలో కలిసి నటిస్తున్నారు. వీరిద్దరి మధ్య సినిమాలో కెమిస్ట్రీ బాగా పండుతోందట.

కాగా, టెన్నిస్ సంచలనం సానియా మీర్జాకు షాహిద్ తనంతట తానే దూరమయ్యాడని చెబుతున్నారు. కొంత కాలం పాటు వారిద్దరు కలిసి తిరిగారు. అమృతరావు, విద్యాబాలన్ లతో షాహిద్ కలిసి తిరుగుతున్నట్లు కూడా ఇంతకు ముందు ప్రచారం జరిగింది. అయితే వారితో షాహిద్ కలిసి రాలేదు. ప్రస్తుతం ప్రియాంక చోప్రాతో కలిసి విందులు చేస్తున్నారట. నగరంలో రాత్రుళ్లు చక్కర్లు కొడుతున్నారని చెబుతున్నారు.