బాలయ్యపై తెలుగుయువత దృష్టి

హైదరాబాద్: తెలుగుదేశం పార్టీకి పూర్వ వైభవం కల్పించడానికి ప్రముఖ సినీ నటుడు, స్వర్గీయ ఎన్టీ రామారావు కుమారుడు బాలకృష్ణపై తెలుగుదేశం పార్టీ అనుబంధ యువజన సంఘం తెలుగు యువత దృష్టి కేంద్రీకరించారు. బాలకృష్ణ కార్యక్రమాలపై చర్చించడానికి రాష్ట్ర తెలుగుయువత మంగళవారం పార్టీ కార్యాలయం ఎన్టీఆర్ ట్రస్టు భవన్ లో సమావేశమైంది. గుంటూరులో జరిగే యువగర్జన సదస్సులో బాలకృష్ణతో పాటు జూనియర్ ఎన్టీఆర్, కళ్యాణ్ రామ్ లు కూడా పాల్గొంటారని తెలుగుయువత అధ్యక్షుడు రవిచంద్ర మీడియా ప్రతినిధులతో చెప్పారు.

యువగర్జన సదస్సు దసరా సెలవుల్లో గుంటూరులో జరుగుతుంది. తెలుగుదేశం పార్టీని బలోపేతం చేయడానికి నందమూరి వారసుల సేవలను వాడుకుంటామని రవిచంద్ర చెప్పారు. బాలకృష్ణ ఈ నెల 15వ తేదీనుంచి తెలుగుదేశం పార్టీ తరఫున ప్రచారం చేయడానికి రంగంలోకి దిగుతారనే వార్తలు వస్తున్న విషయం తెలిసిందే. దాంతో ఆయన కార్యక్రమాలు సరైన రీతిలో జరగడానికి అవసరమైన ఏర్పాట్లను తెలుగుయువత చేస్తుంది.