ఆంధ్రదే ప్రథమ స్థానం: సోనియా

తిరుపతి: మహిళా సాధికారతలో ఆంధ్రప్రదేశ్ దే ప్రథమ స్థానమని ఐక్య ప్రగతిశీల కూటమి (యుపిఎ) చైర్ పర్సన్ సోనియా గాంధీ అన్నారు. ఒక రాష్ట్ర పర్యటన కోసం సోనియా గాంధీ గురువారం తిరుపతి వచ్చారు. రేణిగుంట విమానాశ్రయంలో ఆమెకు ఘనస్వాగతం లభించింది. అనంతరం ఆమె మహిళతో ముఖాముఖి కార్యక్రమంలో పాల్గొన్నారు. మహిళా సాధికారతపై నిర్మించిన లఘు చిత్రాన్ని ఆమె తిలకించారు. మహిళా సాధికారత సాధనలో ముఖ్యమంత్రి వైయస్ రాజశేఖర రెడ్డి సాధించిన ప్రగతిని ఆమె కొనియాడారు.

మహిళా సంఘాలకు ఆమె 22 కోట్ల రూపాయల డిసిసిబి రుణాలను అందజేశారు. జనశ్రీ బీమా పథకం ఆమె సొమ్ము మొత్తాన్ని బీమా కంపెనీకి అందజేశారు. డ్వాక్రా మహిళలు పేదరికాన్ని అధిగమించగలరనే నమ్మకం తనకు కుదిరిందని ఆమె అన్నారు. రు. 2 వేల కోట్ల రూపాయలతో తిరుపతి రైల్వే స్టేషనును అభివృద్ధి చేస్తామని ఆమె చెప్పారు. రేణిగుంట విమానాశ్రయాన్ని అంతర్జాతీయ స్థాయికి అభివృద్ధి చేస్తామని ఆమె చెప్పారు. 3 వేల కోట్ల రూపాయలతో తిరుపతిలో పిల్లల ఆస్పత్రి ఏర్పాటు చేయనున్నట్లు ఆమె తెలిపారు.