వైయస్ ఇంటికి సోనియా

హైదరాబాద్: కాంగ్రెస్ అధ్యక్షురాలు సోనియా గాంధీ గురువారం మధ్యాహ్నం కడప జిల్లా ఇడుపులపాయలోని ముఖ్యమంత్రి డాక్టర్ వైయస్ రాజశేఖర రెడ్డి ఇంటికి వెళ్లనున్నారు. ముఖ్యమంత్రి తన ఎస్టేట్ పరిధిలో నిర్మించిన ఐఐఐటిని సోనియా గాంధీ ప్రారంభిస్తారు. ఇక్కడికి ఆమె మధ్యాహ్నం పన్నెండున్నరకు చేరుకుని ఒంటి గంటా 35 నిమిషాల వరకు ఉంటారు. అనంతరం ఆమె రాజశేఖర రెడ్డి ఇంటికి వెళ్తారు. మధ్యాహ్నం రెండున్నర వరకు అక్కడ ఉంటారు.

గురువారంనాడు సోనియా గాంధీ చిత్తూరు, కడప, అనంతపురం జిల్లాల్లో వివిధ కార్యక్రమాల్లో పాల్గొంటారు. గురువారం ఉదయం 10 గంటల 45 నిమిషాలకు ప్రత్యేక విమానంలో రేణిగుంట విమానాశ్రయం చేరుకుంటారు. అక్కడ ఆమె మహిళా సాధికారిత సదస్సులో పాల్గొంటారు. అక్కడి నుంచి ఇడుపుల పాయకు చేరుకుంటారు. అక్కడ ఐఐఐటీ ప్రారంభించిన అనంతరం అనంతపురం చేరుకుంటారు. ఇక్కడ బహిరంగ సభలో ప్రసంగిస్తారు.