చిరుతో కాంగ్రెసుకు చెమటలు: రామచంద్రయ్య

హైదరాబాద్: సినిమా నటన రాజకీయాలకు పనికి రాదని ముఖ్యమంత్రి డాక్టర్ వైయస్ రాజశేఖర రెడ్డి ప్రజారాజ్యం అధినేత చిరంజీవిపై చేసిన వ్యాఖ్యకు తెలుగుదేశం మాజీ పార్లమెంటు సభ్యుడు సి. రామచంద్రయ్య తీవ్రంగా ప్రతిస్పందించారు. ఫాక్షన్ రాజకీయాలకు పనికి వచ్చినట్లుగానే సినీ గ్లామర్ కూడా పనికి వస్తుందని ఆయన శుక్రవారం మీడియా ప్రతినిధుల సమావేశంలో అన్నారు.

చిరంజీవికి లభిస్తున్న ఆదరణ చూసి కాంగ్రెసు నాయకులకు చెమటలు పడుతున్నాయని ఆయన వ్యాఖ్యానించారు. స్వర్గీయ ఎన్టీ రామారావు రాజకీయాల్లోకి వచ్చినప్పుడు కూడా కాంగ్రెస్ నాయకులు ఇదే విధంగా మాట్లాడారని ఆయన గుర్తు చేశారు. దిక్కు తోచక రాష్ట్ర కాంగ్రెస్ నాయకులు తమ పార్టీ అధ్యక్షురాలు సోనియా గాంధీ పర్యటనల కోసం బతిమిలాడుతున్నారని ఆయన వ్యాఖ్యానించారు. తెలుగుదేశం పార్టీకి రాజీనామా చేసిన రామచంద్రయ్య చిరంజీవి నాయకత్వంలోని ప్రజారాజ్యంలో చేరుతున్న విషయం తెలిసిందే.