రామచంద్రయ్యపై బాలయ్య ఫ్యాన్స్ గుర్రు

కడప: ప్రజారాజ్యం పార్టీ నాయకుడు సి. రామచంద్రయ్యపై సినీ నటుడు బాలకృష్ణ అభిమానులు గుర్రుమన్నారు. రామచంద్రయ్య ఇంటిపై బుధవారం వారు దాడి చేశారు. తమ అభిమాన నటుడు బాలకృష్ణపై చేసిన వ్యాఖ్యకు వారు రామచంద్రయ్యపై ఆగ్రహంగా ఉన్నారు. బాలకృష్ణను అవమానించే విధంగా ప్రకటన చేసిన రామచంద్రయ్య బేషరతు క్షమాపణ చెప్పాలని వారు డిమాండ్ చేశారు. క్షమాపణ చెప్పకపోతే తమ ఆందోళనను ఉధృతం చేస్తామని వారన్నారు.

ఎన్టీఆర్ ఆశయ సాధనకు నందమూరి వారసులు కొత్త పార్టీ పెట్టడమో లేదా చిరంజీవి నాయకత్వంలోని ప్రజారాజ్యంలో చేరాలని సి. రామచంద్రయ్య మంగళవారంనాడు సూచించారు. ఎన్టీఆర్ లక్ష్యాలకు ప్రస్తుత తెలుగుదేశం పార్టీ దూరమైందని ఆయన అన్నారు. ఎన్టీఆర్ ఆశయాలకు దూరమైన పార్టీకి నందమూరి వారసులు సేవలందించడం వల్ల ప్రయోజనం ఏమిటని ఆయన ప్రశ్నించారు.