బాలయ్యపై లక్ష్మీపార్వతి ఫిర్యాదు

హైదరాబాద్: ప్రముఖ నటుడు బాలకృష్ణపై చర్య తీసుకోవాలని కోరుతూ ఎన్టీఆర్ తెలుగుదేశం పార్టీ అధ్యక్షురాలు లక్ష్మీపార్వతి నాంపల్లి కోర్టులో క్రిమినల్ ఫిర్యాదు దాఖలు చేశారు. బాలకృష్ణ వ్యాఖ్యలు తన పరువుకు భంగం కలింగించేలా ఉన్నాయని ఆమె కోర్టుకు ఫిర్యాదు చేశారు. బుధవారం ఆమె కోర్టు హాజరై స్టేట్ మెంట్ ఇచ్చారు. బసవ తారకం ట్రస్టుకు ఏర్పాటు చేసిన భద్రతను ఉహసంహరించాలని ఇటీవల బాలకృష్ణ హైకోర్టును ఆశ్రయించారు. ఇందులో లక్ష్మిపార్వతిని కూడా ప్రతివాదిగా చేర్చాలని కోర్టు సూచించింది.

ఆ తర్వాత బాలకృష్ణ కౌంటర్ దాఖలు చేశారు. ట్రస్టుతో లక్ష్మీపార్వతికి ఏ విధమైన సంబంధం లేదని ఆయన అందులో అన్నారు. తన తండ్రి స్వర్గీయ ఎన్టీరామారావుతో లక్ష్మీపార్వతికి జరిగిని పెళ్లికి చట్టబద్దత లేదని ఆయన అన్నారు. తొలి వివాహం రద్ద కాకుండా తన తండ్రిని వివాహం చేసుకున్నారని ఆయన అన్నారు. తన తండ్రికి సమాజంలో ఉన్న అధికారాన్ని చూసి లక్ష్మిపార్వతి ప్రేమించారని ఆయన వ్యాఖ్యానించారు. ఈ వ్యాఖ్యలు తన పరువుకు నష్టం కలిగించే విధంగా ఉన్నాయని లక్ష్మీపార్వతి కోర్టుకు ఫిర్యాదు చేశారు. దీనిపై విచారణ ఈ నెల 22వ తేదీకి వాయిదా పడింది.