ఆర్థిక ముప్పులో అమెరికా : బుష్

వాషింగ్టన్: అమెరికా ఆర్థిక వ్యవస్థ యావత్తూ ప్రమాదంలో ఉందని ఆ దేశాధ్యక్షుడు జార్జి బుష్ అన్నారు. అమెరికా ప్రజలను ఉద్దేశించి ఆయన టెలివిజన్ లో ప్రసంగించారు. ఆయన టెలివిజన్ లో ప్రజలనుద్దేశించి ఈ రకంగా ప్రసంగం చేయడం చాలా అరుదు. మనం తీవ్రమైన ఆర్థిక చిక్కుల్లో ఉన్నామని ఆయన దేశ ప్రజలనుద్దేశించి అన్నారు. శ్వేత సౌధం ఆర్నేట్ ఈస్ట్ రూం నుంచి ఆయన తన ప్రసంగం చేశారు.

దేశాన్ని ఈ ముప్పు నుంచి బయట పడేయడానికి 700 బిలియన్ డాలర్ల పథకాన్ని ఆయన ప్రకటించారు. క్లిష్ట పరిస్థితుల్లో చిక్కుకున్న ఆస్తులను ప్రభుత్వం కొనుగోలు చేయడానికి ఇది పనికి వస్తుందని, దాంతో క్రెడిట్ కొనసాగుతూ ఉంటుందని, దానివల్ల ఆర్థిక వ్యవస్థ మెరగవుతుందని ఆయన అన్నారు. తాను ప్రకటించిన పథకం దేశం కోసమే కాని వ్యక్తిగత కంపెనీలకు కాదని ఆయన స్పష్టం చేశారు.