విశాఖ కోర్టుకు రామోజీరావు హాజరు

విశాఖపట్నం: ఒక ఐటి సంస్థ అధినేత వేసిన కేసులో ఈనాడు గ్రూపు సంస్థల అధినేత రామోజీరావు గురువారం విశాఖ కోర్టుకు హాజరయ్యారు. ఈనాడులో ప్రచురితమైన వార్తపై ఐటి సంస్థ అధినేత వివియస్ రామారావు విశాఖ కోర్టులో దావా వేశారు. దీనిపై రామోజీరావు హైకోర్టులో పిటిషన్ దాఖలు చేశారు. ఈ పిటిషన్ ను హైకోర్టు కొట్టేసింది.

ఈ నేపథ్యంలో తమ ముందు హాజరు కావాలని రామోజీరావుకు, ఆయన కుమారుడు కిరణ్ కు విశాఖపట్నం చీఫ్ మెట్రోపాలిటన్ మెజిస్ట్రేట్ ఆదేశాలు జారీ చేశారు. దీంతో రామోజీరావు గురువారం విశాఖ పట్నం కోర్టుకు హాజరయ్యారు. రామారావు రామోజీరావుపై పరువు నష్టం దావా వేశారు.