సైఫ్ పై పాటియాలాలో పోలీసు కేసు

పాటియాల: బాలీవుడ్ నటుడు సైఫ్ అలీఖాన్ పై ఇద్దరు జర్నలిస్టులు పోలీసులకు ఫిర్యాదు చేశారు.. పాటియాలాలో షూటింగ్ సందర్భంగా తమపై దాడి చేశారని ఆరోపిస్తూ వారు సైఫ్ పై వారు ఫిర్యాదు చేశారు. సైఫ్ తో పాటు మరో నలుగురిపై పోలీసులు కేసు నమోదు చేశారు. అనుమతి లేకుండా ఫొటోలు తీసుకోవడానికి ప్రయత్నించిన ఇద్దరు జర్నలిస్టులపై సైఫ్ బాడీగార్డులు చేయి చేసుకున్నట్లు సమాచారం. ఈ ఇద్దరు ఫొటో జర్నలిస్టుల్లో ఒకరు వార్తాపత్రికకు, మరొకరు టీవీ న్యూస్ చానెల్ కు చెందినవారు.

షూటింగ్ జరుగుతున్న సమయంలో ఈ ఇద్దరు సైఫ్ ఫొటోలు తీసుకోవడానికి ప్రయత్నించారు. దానికి సైఫ్ అభ్యంతరం చెప్పారు. అయినా వినకపోవడంతో సైఫ్ బాడీ గార్డులు దాడి చేసి ఆ ఇద్దరి కెమెరాలను లాక్కున్నారు. తమపై చేయి చేసుకున్నారని ఆరోపిస్తూ ఈ ఇద్దరు జర్నిస్టులు సైఫ్ పై, ఆయన బాడీగార్డులపై పోలీసులకు ఫిర్యాదు చేశారు.