దీపికా పెళ్లి ఇప్పుడే కాదు: రణబీర్

ముంబయి: బాలీవుడ్ నటి దీపికా పడుకొనేను పెళ్లి చేసుకునే ఆలోచన ఇప్పుడిప్పుడే లేదని ఆమె ప్రేమికుడు, బాలీవుడ్ నటుడు రణబీర్ కపూర్ అన్నారు. పెళ్లి చేసుకుని జీవితంలో స్థిరపడడానికి ముందు సినిమాలపై తాను దృష్టి కేంద్రీకరించాలని అనుకుంటున్నట్లు ఆయన తెలిపారు. రణబీర్ కపూర్, దీపికా పడుకొనే పీకల లోతు ప్రేమలో కూరుకుపోయిన విషయం లోకం కూడై కూస్తున్న విషయం తెలిసిందే. ఇద్దరు కూడా మంచి జంటగా పేరు తెచ్చుకున్నారు.

రణబీర్, దీపికాల ప్రేమను ఇరు కుటుంబాల పెద్దల కూడా అంగీకరించారు. తమ ప్రేమ వ్యవహారాన్ని ఈ ప్రేమ జంట బహిరంగంగానే ఒప్పేసుకుంది. తాము పెళ్లి చేసుకుంటామని కూడా ప్రకటించింది. అయితే ఆ పెళ్లి ఇప్పుడిప్పుడే జరిగేలా లేదు. పెళ్లి ఆలోచనను పక్కన పెట్టి కెరీర్ పై దృష్టి సారించాలని ఈ ప్రేమికులు నిర్ణయించుకున్నారట.