ఢిల్లీలో డిఎస్: సోనియాతో చర్చలు

న్యూఢిల్లీ: కాంగ్రెస్ పార్టీ అధ్యక్షురాలు సోనియా గాంధీతో పీసీసీ అధ్యక్షుడు డి శ్రీనివాస్ జరిపిన చర్చలు ముగిసాయి. బుధవారం ఉదయం శ్రీనివాస్ సోనియాను ఆమె నివాసంలో కలిసి చర్చలు జరిపారు. రాష్ట్రంలో మారుతున్న రాజకీయ సమీకరణాలు గురించి సోనియాకు ఆయన వివరించారు. పీసీసీ కార్యవర్గం నియామకం గురించి మంతనాలు జరిపారు. పీసీసీ కొత్త కార్యవర్గం ఏర్పాటు వారం రోజుల్లోపు జరుగుతుందని వార్తలు వస్తున్నాయి.

రాష్ట్రంలో వివిధ రాజకీయ పక్షాలు పొత్తులు గురించి చేస్తున్న చర్చల సమాచారాన్ని ఆయన సోనియాకు వివరించారు. తెలంగాణ రాష్ట్ర సమితి (తెరాస), వామపక్షాలు కలిసినా తెలంగాణలో కాంగ్రెస్‌ పై ప్రభావం చూపలేవని ఆయన సోనియాకు ఆయన చెప్పినట్లు సమాచారం. కాంగ్రెస్ ప్రభుత్వం గత నాలుగేళ్లుగా చేసిన అభివృద్ధిని చూసి ప్రజలు తమకే తిరిగి అధికారాన్ని ఇస్తారని ఆయన చెప్పారు.