6న టిడిపి జై తెలంగాణ

హైదరాబాద్: తెలంగాణపై తెలుగుదేశం పార్టీ ఈ నెల 6వ తేదీన ప్రకటించే అవకాశం ఉంది. ఈ నెల 2,3,4 తేదీల్లో తెలుగుదేశం పార్టీ అధ్యక్షుడు నారా చంద్రబాబు నాయుడు మంచిర్యాల, ఉప్పల్, ఒంగోలుల్లో పర్యటిస్తారు. 5,6 తేదీలోబపో పార్టీ పోలిట్ బ్యూరో సమావేశం జరుగుతుంది. ఈ సమావేశాల్లో తెలంగాణపై నిర్ణయం తీసుకుని, ఆరో తేదీన అధికారికంగా ప్రకటిస్తారని తెలుస్తోంది.

అయితే ఈ నెల 2వ తేదీన్నే తెలంగాణపై తెలుగుదేశం పార్టీ నిర్ణయం ప్రకటిస్తే బాగుంటుందని తెలంగాణ రాష్ట్రసమితి (తెరాస) అధ్యక్షుడు కె. చంద్రశేఖర రావు సూచిస్తున్నారు. తెలంగాణకు అనుకూలంగా చంద్రబాబు నిర్ణయం వెల్లడించగానే ఆయనను అభినందించడానికి కెసిఆర్ స్వయంగా వెళ్లే అవకాశం ఉంది. ఈ రకంగా ఇరు పార్టీలు పొత్తులను ఖాయం చేసుకోవాలని భావిస్తున్నట్లు సమాచారం.