బాబుపై నందమూరి వారి బదులు: డిఎస్

సంగారెడ్డి: తెలుగుదేశం పార్టీ అధ్యక్షుడు నారా చంద్రబాబునాయుడిపై స్వర్గీయ ఎన్టీరామారావు కుటుంబీకులు బదులు తీర్చుకుంటారని ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ అన్నారు. ఎన్టీఆర్ కు చేసిన అన్యాయానికి నందమూరి కుటుంబ సభ్యులు చంద్రబాబుపై బదులు తీర్చుకుంటారని ఆయన అన్నారు. ఆయన సోమవారం మెదక్ జిల్లాలో పర్యటించారు. ఈ సందర్భంగా ఆయన ఆ వ్యాఖ్యలు చేశారు.

చిరంజీవి నాయకత్వంలోని ప్రజారాజ్యం ప్రభావంపై ఇప్పుడే చెప్పలేమని ఆయన అన్నారు. తాము పొత్తుల కోసం వెంపర్లాడటం లేదని ఆయన చెప్పారు. పాత మిత్రులకు తమ పార్టీ తలుపులు తెరిచే ఉంటాయని ఆయన చెప్పారు. తెలంగాణ అంశాన్ని తమ పార్టీ అధిష్ఠానవర్గం పరిశీలిస్తోందని ఆయన చెప్పారు.