పవన్ పర్యటన ప్రారంభం

హైదరాబాద్‌: తాను ఓ సాధారణ కార్యకర్తగా ప్రజారాజ్యం పార్టీకి సేవలందిస్తానని సినీ నటుడు పవన్ కళ్యాణ్ అన్నారు. హైదరాబాద్‌, రంగారెడ్డి జిల్లాల్లో ఈరోజు పర్యటిస్తున్న ఆయన ఈరోజు ఉదయం జూబ్లీహిల్స్‌లోని రహమత్‌నగర్‌లో మొదటగా పార్టీ జెండాను ఆవిష్కరించి పర్యటన ప్రారంభించారు.ఈ సందర్భంగా మాట్లాడుతూ పేదలకు న్యాయం చేసేందుకే చిరంజీవి ప్రజారాజ్యం పార్టీని స్థాపించారని తెలిపారు. ప్రజారాజ్యం పార్టీ తరుపున చిరంజీవి యువతకు ఇన్ ఛార్జిగా వ్యవహిస్తున్న ఆయన గ్రేటర్ హైదరాబాద్ లోని అన్ని నియోజక వర్గాల్లో పర్యటిస్తారు.

అలాగే సభ్యత్వ నమోదు కార్యక్రమాల్ని ప్రారంభిస్తారు. ఇక పవన్ టూర్ కోసం పీ ఆర్పీ అన్ని జాగ్రత్తలు తీసుకొంది. ఎక్కడా అభిమానులు అత్యుత్సాహం కారణంగా ఇబ్బందులు తెలత్తకుండా ఇప్పటికే పవన్ అభిమాన సంఘాల నాయకులతో చర్చించారని తెలుస్తోంది. దాంతో ప్రశాంతంగా ఈ టూరు జరుగుతుందని ఆశిస్తున్నారు.ఇక ఈ నేపద్యంలో పవన్ టూర్ లో తెలంగాణ ప్రాంతానికి చెందిన పలువురు నేతలు,మేధావులు,విధ్యార్ధి సంఘాలు పాల్గొనే అవకాశమున్నట్లు సమాచారం.