సూర్యప్రభ వాహనంపై వెంకటేశుడు

తిరుపతి: తిరుమల బ్రహ్మోత్సవాల్లో భాగంగా ఈరోజు శ్రీనివాసుడు సూర్యప్రభ వాహనంలో భక్తులకు కనువిందు చేశారు. భక్తజనుల గోవిందనామస్మరణతో... పరివారమంతా వెంటరాగా మాడవీధుల్లో వూరేగే స్వామిని భక్తులు అధికసంఖ్యలో వీక్షించి తరించారు. మధ్యాహ్నం 2 గంటలకు తిరుమంజనం, అనంతరం సాయంత్రం 7 గంటలకు వూంజల్‌సేవ, రాత్రికి చంద్రప్రభ వాహనసేవ జరుగుతుంది.

ఇక నిన్న తిరుమల బ్రహోత్సవాల్లో సాయంత్రం స్వర్ణరథోత్సవం జరిగింది. ఆ తర్వాత రాత్రి గజవాహనసేవ నిర్వహించారు. రాత్రి గజవాహనసేవ భక్తజనులను పరవశింపజేసింది. స్వామివారిని దర్శించుకోవడం కోసం వచ్చిన భక్తులతో తిరుమాడ వీధులన్నీ భక్తజనంతో కిక్కిరిసిపోయాయి. బ్రహ్మోత్సవాల్లో శ్రీనివాసుని వైభవాన్ని కళ్లారా తిలకించేందుకు భక్తులు అసంఖ్యాకంగా తరలివచ్చారు.