బాలయ్య గర్జనకు అంతా రెడీ

గుంటూరు: గుంటూరులో బుధవారం జరిగే యువగర్జనకు ఏర్పాట్లు పూర్తయ్యాయి. యువ గర్జన సదస్సుకు పెద్ద యెత్తున ఏర్పాట్లు చేశారు. తెలుగుదేశం పార్టీ నాయకులు గుంటూరులో మోహరించారు. రేపటి సభతో బాలకృష్ణ రాజకీయాల్లోకి అడుగు పెట్టనున్నారు. ఈ యువగర్జన కోసం విశాలమైన మైదానాన్ని ఏర్పాటు చేశారు.

ప్రముఖ నిర్మాత అశ్వనీదత్ కూడా గుంటూరుకు వచ్చారు. తెలుగు రాజకీయాలకు యువగర్జన సదస్సు వెలుగు తెస్తుందని ఆయన అన్నారు. పోయేవాళ్లు పోతారని, గెలిచే పార్టీ నుంచి వెళ్లిపోయి వారే నష్టపోతారని ఆయన అన్నారు. యువగర్జన సదస్సును తెలుగుదేశం పార్టీ అధ్యక్షుడు నారా చంద్రబాబునాయుడు సీరియస్ గా తీసుకుంటున్నారు. కనీవినీ ఎరుగని రీతిలో ఈ సదస్సుని నిర్వహించేందుకు సన్నాహాలు చేశారు.