జెడి-యు పార్లమెంటు సభ్యుల రాజీనామా

న్యూఢిల్లీ: మహారాష్టలో ఉత్తరాదివారిపై దాడులకు నిరసనగా బీహార్ ముఖ్యమంత్రి నితీష్ కుమార్ నేతృత్వంలోని జనతా దళ్ - యునైటెడ్ పార్లమెంటు సభ్యులు ఐదుగురు శుక్రవారం రాజీనామాలు చేశారు. రాష్ట్రీయ జనతాదళ్ నేత లాలూ ప్రసాద్ యాదవ్ పై పైచేయి సాధించడానికి జెడి-యు ఈ రాజీనామాలకు సిద్ధపడింది. మహారాష్ట్రలో రాజ్ థాకరే నేతృత్వంలోని మహారాష్ట్ర నవనిర్మాణ సమితి (ఎంఎన్ఎస్) పార్లమెంటు సభ్యులు తమ రాజీనామా లేఖలను లోకసభ సెక్రటరీ జనరల్ కు సమర్పించారు.

ఉత్తరాదివారిపై దాడులకు నిరసనగా లాలూ ప్రసాద్ యాదవ్ బీహార్ కు చెందిన అన్ని పార్టీల లోకసభ, రాజ్యసభ సభ్యుల, రాష్ట్ర శాసనసభ్యుల, ఎమ్మెల్సీల రాజీనామా లేఖలను సేకరిస్తున్న సమయంలో జెడి-యు పార్లమెంటు సభ్యులు రాజీనామాలు చేశారు. ప్రభునాథ్ సింగ్, జార్జి ఫెర్నాండెజ్, రాజీవ్ రంజన్ సింగ్ లల్లన్, కైలాస్ భైథా, మీనా సింగ్ తమ రాజీనామా లేఖలు సమర్పించారు.