జూ.ఎన్టీఆర్ తో బాబు రాయబారాలు

హైదరాబాద్: సినీ నటుడు జూనియర్ ఎన్టీఆర్ ను బుజ్జగించేందుకు తెలుగుదేశం పార్టీ అధ్యక్షుడు నారా చంద్రబాబునాయుడు ప్రయత్నిస్తున్నారు. గంగవరం సీటు విషయంలో కళ్యాణ్ రామ్ తో గొడవలు వచ్చి జూనియర్ ఎన్టీఆర్ గుంటూరు యువగర్జనకు దూరంగా ఉన్నారు. తనకు సినిమా కెరీర్ ముఖ్యమని, రాజకీయాలకు సమయం కేటాయించలేనని జూనియర్ ఎన్టీఆర్ చంద్రబాబుకు చెబుతూ వస్తున్నారు. అయితే ఆయనను ఎలాగైనా రాజకీయాల్లోకి దించాలనే యోచనతో చంద్రబాబు ఉన్నారు.

జ్వరంతో బాధపడుతున్న జూనియర్ ఎన్టీఆర్ ను చంద్రబాబు ఇటీవల ఫోనులో పలకరించారు. ఆయనను రంగంలోకి దింపడానికి కామినేని సూర్యనారాయణ ద్వారా చంద్రబాబు రాయబారం నడుపుతున్నట్లు సమాచారం. ఈ రాయబారం మేరకే జూనియర్ ఎన్టీఆర్ బుధవారం చంద్రబాబును కలిసే అవకాశం ఉన్నట్లు చెబుతున్నారు.