ఇతరులు న్యాయం చేయలేరు: బాలయ్య

హైదరాబాద్‌: తెలుగుదేశం మినహా మిగతా పార్టీలేవీ న్యాయం చేయలేదని, అందుకే కొమ్మి లక్ష్మయ్యనాయుడు తెలుగుదేశం పార్టీలో చేరారని సినీ నటుడు బాలకృష్ణ అన్నారు. నెల్లూరు జిల్లా ఆత్మకూరు శాసనసభ్యుడు కొమ్మి లక్ష్మయ్యనాయుడు సోమవారం తెలుగుదేశం పార్టీలో చేరారు.

పార్టీ అధ్యక్షుడు చంద్రబాబునాయుడు, బాలకృష్ణ సమక్షంలో ఆయన తెలుగుదేశం పార్టీలో చేరారు. పార్టీని వీడిన ఆయనను తిరిగి పార్టీలో చేర్చటంలో బాలకృష్ణ చురుకైన పాత్ర పోషించారు. దీంతో సోమవారం ఆయన చేరిక కార్యక్రమంలో పాల్గొన్నారు. పార్టీని వీడిన మాజీలను తిరిగి తెలుగుదేశం పార్టీ వైపు తీసుకురావడంలో బాలకృష్ణ ఇటీవలి కాలంలో చురుకైన పాత్ర నిర్వహిస్తున్నారు.