దోనీతో ఏం లేదు: లక్ష్మీరాయ్

చెన్నై‌: భారత క్రికెట్ జట్టు కెప్టెన్ మహేంద్ర సింగ్ ధోనీతో అఫైర్ ఏమీ లేదని తమిళ సినీ నటి లక్ష్మీరాయ్ స్పష్టం చేసింది. ఇంగ్లాండు జట్టుతో టెస్టు మ్యాచ్ సందర్భంగా ధోనీతో ఆమె ఒక ప్రైవేట్ హోటల్లో డిన్నర్ చేసినట్లు వార్తలు వచ్చిన నేపథ్యంలో ఆమె ఆ వివరణ ఇచ్చింది. లక్ష్మీరాయ్ ధోనీతో రోమాన్స్ నడుపుతున్నట్లు కూడా ఊహాగానాలు చెలరేగాయి. తాము రెండు వారాల క్రితం డిన్నర్ చేసిన మాట వాస్తవమేనని, అక్కడ గట్టి భద్రత ఉందని ఆమె చెప్పింది. ధోనీ తాను మంచి మిత్రులమని, ఇది మధ్య మంచి సంబంధాలున్నాయని ఆమె అన్నది.

తమ మధ్య ఏదైనా ఉంటే చెప్పుకోవడానికి సిగ్గుపడాల్సిన అవసరం గానీ, భయపడాల్సిన అవసరం గానీ లేదని ఆమె అంటోంది. ఏమైనా ఉంటే దాచుకోవాల్సిన అవసరం కూడా తనకు లేదని ఆమె చెబుతోంది. ధోనీ తనను పెళ్లి చేసుకుంటాననే ప్రతిపాదనను ముందుకు తెస్తాడని తాను అనుకోవడం లేదని ఆమె అంటోంది. తనకు క్రికెట్ అంటే తెగ అభిమానమని, సమయం దొరికితే క్రికెట్ చూస్తానని ఆమె చెబుతోంది.