సినిమాలతో చేయలేకే...: పవన్
ఉగ్రవాదులు దాడులు చేస్తే బాధ పడి, కొవ్వొత్తులు వెలిగించి సానుభూతి ప్రకటిస్తే సరిపోదని భవిష్యత్తులో మళ్లీ జరక్కుండా ఉద్యమం చేయాలని ఆయన అన్నారు. సామాజిక న్యాయం రోజురోజుకు అంతరించిపోతోందని, దీన్ని చక్కదిద్దకపోతే అంతర్యుద్ధాలు వస్తాయని ఆయన అన్నారు. అమెరికాలో 52 ఏళ్ల క్రితం రోజాపార్క్స్ అనే నల్లజాతి మహిళ బస్సులో ముందు సీట్లోనే కూర్చుకుంటానని తెగేసి చెప్పడం అప్పట్లో సంచలనమని, అదే ఇప్పుడు ఒబామాను దేశాధ్యక్షుడిగా ఎన్నుకొనేందుకు పునాది అయిందని ఉదహరించారు.
''స్వప్నిక తొలిసారి ఫిర్యాదు చేసినప్పుడే పోలీసులు, అధికారులు స్పందించి ఉంటే ఇప్పుడు నిందితులను ఎన్కౌంటర్ చేయాల్సి వచ్చేది కాదని, శ్రీలక్ష్మి, గంగాభవాని, స్వప్నిక.. ఇలా బాధితులు పెరిగేవారు కాదని, చనిపోవడం ఎలాగూ తప్పదని సమస్యలపై పోరాడి చనిపోతే గుర్తింపన్నా వస్తుందని, అందుకే అడవుల్లోకి వెళ్లడం కన్నా జనారణ్యంలో ఉండి పోరాడాలని అనుకున్నానని ఆయన అన్నారు.