• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రామోజీ పేరేత్త లేదు: బాబూ మోహన్

By Staff
|

Babu Mohan
హైదరాబాద్‌: థియేటర్ల లీజుకు సంబంధించిన వ్యవహారంలో తాను రామోజీరావు పేరుని ప్రస్తావించలేదని సినీ నటుడు బాబూ మోహన్ స్పష్టం చేశారు. తాను రామోజీ పేరును ప్రస్తావించినట్లు 'సాక్షి' పత్రిక రాసిన వార్తలో నిజం లేదని ఆయన అన్నారు. ఈ లీజు బురదతో రామోజీరావుకు ఎలాంటి సంబంధం లేదని ఆయన అన్నారు. తమ 'సమ్మక్క సారక్క మహత్మ్యం' చిత్రాన్ని ముందు మయూరి ద్వారానే విడుదల చేయాలనుకున్నామని, కానీ వారి దగ్గర రెండే థియేటర్లున్నాయని తెలిసిందని, దాంతో వేరే మార్గాలను వెతుక్కున్నానని, తాను రాజకీయంగా ఎదగడానికి ఎంతో సాయపడిన వ్యక్తి రామోజీరావు అని, రామోజీ మనసు నొప్పించి ఉంటే క్షమాపణ చెబుతున్నానని ఆయన గురువారం మీడియా ప్రతినిధులతో అన్నారు.

నిర్మాతల మండలి గౌరవ ప్రధాన కార్యదర్శి టీవీడీ ప్రసాద్‌ మాటలపై బాబూ మోహన్ తీవ్రంగా ప్రతిస్పందించారు. ఇవాళ నిర్మాతల మండలిలో కూర్చున్న పెద్ద మనుషులకు ఒకప్పుడు పారితోషికం తీసుకోకుండా సినిమాలు చేసి పెట్టానని, కానీ ఈ మధ్య తనకు ఆపద తలెత్తితే వారు ముందుకు రాలేదని ఆయన అన్నారు. ఎప్పుడో తన షూటింగ్‌లో జరిగిన విషయాలను ఎత్తిపొడవాల్సిన అవసరం వారికి లేదని, తాను మంత్రిగా ఉన్నప్పుడు వీళ్లందరికీ ఎంత సాయపడ్డానో తనకు తెలుసుని, తన సినిమా బాగాలేదని అంటున్నారని ఆయన అన్నారు. త్వరలో విశ్వవిద్యాలయాల్లోనూ, సినీ విమర్శకుల కోసం ప్రదర్శిస్తామని, ఫలానా చోట తప్పుందని వారెవరైనా అంటే గుంజీలు తీస్తానని అని చెప్పారు. చిన్న నిర్మాతల సమస్యలపై పరిశ్రమ పెద్దలు ఆలోచించాల్సి ఉందని అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X