వైయస్ అనంత పర్యటన నేడే

అనంతపురం: ఈ రోజు (శనివారం) ముఖ్యమంత్రి వైఎస్‌ రాజశేఖర్‌రెడ్డి అనంతపురం జిల్లాలో పర్యటించనున్నారు. ఆయన పర్యటనకు సంబంధించిన ఏర్పాట్లన్నీ పూర్తయ్యాయి. ముందుగా కురుగుంటలో ఇందిరమ్మ ఇళ్లను ప్రారంభిస్తారు.అనంతరం స్థానిక ఆర్ట్స్‌ కాలేజ్‌ మైదానంలో ఏర్పాటుచేసిన విద్యా సదస్సుకు కూడా ముఖ్యమంత్రి హాజరు కానున్నారు.ఈ కార్యక్రమాలతోపాటు అనంతపురం- బెంగుళూరు బైపాస్‌ రోడ్డులో కక్కలపల్లి క్రాస్‌ సమీపంలో ఏర్పాటు చేసిన మహిళా సదస్సుకు ముఖ్యమంత్రి అటెండవతారు.

అక్కడ సభా వేదికతోపాటు... గ్రామైక్య సంఘాల నాయకురాళ్లతో మాట్లా డేందుకు, వారితో కలిసి సహపంక్తి భోజనం చేసేందుకు అవసమైన ఏర్పాట్లన్నీ పూర్తి చేశారు. ఆయన పర్యటన సందర్బంగా భారీ ఎత్తున పోలీసు బలగాలను మోహరించాయి.అలాగే ఈనెల 22 నుంచి ఆయన కడపలో పర్యటించనున్నారు. ఈ పర్యటన ఐదు రోజులపాటు సాగుతుంది. ఇరవై రెండున ప్రారంభమైన ఈ టూరు ఇరవై ఆరు వరకూ కొనసాగుతుంది. క్రిస్మస్‌ పర్వదినాన్ని పురష్కరించుకొని ఆయన ఇడుపులపాయ ఎస్టేట్‌లో కుటుంబ సభ్యులతో గడుపుతారు.