• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కూకట్‌పల్లి నుంచే జేపీ పోటీ

By Staff
|

Jayaprakash Narayan
హైదరాబాద్ : కూకట్‌పల్లిలో ఒక్కో ఇంటిని కనీసం మూడుసార్లు లోక్‌సత్తా పార్టీ అధినేత జయప్రకాష్‌ నారాయణ్‌ సందర్శించేలా ప్రణాళిక సిద్ధం చేస్తున్నారు. వచ్చే శాసనసభ ఎన్నికల్లో జేపీ కూకట్‌పల్లి నియోజకవర్గం నుంచి పోటీ చేయడం దాదాపుగా ఖరారనట్లే.అలాగే శాసనసభకు లోక్‌సత్తా అభ్యర్థుల తొలి జాబితాను ఈ నెల 22న, మలి జాబితాను జనవరిలో ప్రకటించనున్నారు. రాష్ట్రంలోని 30 నుంచి 40 నియోజకవర్గాలకు అభ్యర్థులను ప్రకటించే తొలి జాబితాలో కూకట్‌పల్లి ఉండదని పార్టీ వర్గాలు తెలిపాయి. కూకట్‌పల్లి నుంచి జేపీ ఎన్నికల బరిలో ఉండాలని నిర్ణయించుకున్న నేపథ్యంలో జనవరి మొదటి వారంలో ప్రకటించే రెండో జాబితాలో ఈ స్థానం ఉంటుంది.

తద్వారా ఒక్కో డివిజన్‌లో 10 వేల పైచిలుకు మెజార్టీ తగ్గకుండా మొత్తం మీద లక్ష ఓట్ల ఆధిక్యాన్ని తీసుకురావాలని ప్రణాళిక రచిస్తున్నారు. ఇటీవల జరిగిన ఖైరతాబాద్‌ ఉప ఎన్నికల్లో పార్టీ రెండో స్థానంలో నిలవడం... స్థానికంగా యువకులు, సాఫ్ట్‌వేర్‌ ఉద్యోగులు.. విద్యార్థులే కాకుండా ముఖ్యంగా మహిళలు స్వచ్ఛందంగా పని చేయడం లోక్‌సత్తాకు లాభించే అంశంగా పార్టీ నేతలు భావిస్తున్నారు. అయితే మల్కాజిగిరి ఎంపీ స్థానం నుంచి జేపీ పోటీ చేస్తే బావుంటుందని కొందరు భావిస్తున్నా.. శాసనసభలో ప్రజా వాణి వినిపించాలని అధికశాతం కార్యకర్తలు కోరిక మేరకే ఈ నిర్ణయం తీసుకున్నట్లు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X